LESONA 6 APERILA 29 - ME 5
LE PAPATISOGA A LE AGAGA PAIA
AOAULI O LE SAPATI:
Faitauga o le Suesuega o le Vaiaso nei: Gal.2:37,38; 9:5,6; 1 Kor.12:1-13; 2 Kor.7:9-11; Kal. 3:1-11; 5:
5,6.
MATUA TAULOTO: ‘Aua foi ne’i onā outou i le uaina, o le mea e ulavale ai; a ia faatumuina outou i
le Agaga.” Efeso 5:18.
E tele matematega ma fefinauaiga i totonu o le ekalesia Kerisiano i seneturi e tele e faatatau pe o le a le
uiga o le ‘papatisoga a leAgaga Paia.” Ae ua manino lelei mai nai mau o le Tusi Paia e faasino lea i le
Agaga Paia i le olaga o le tagata ua fanaufouina. A aunoa ma le una’iga a le Agaga Paia , e leai lava se
tasi e mafai ona ola i le olaga fou; o i latou ua ola ai i lea tulaga ua papatisoina i le Agaga Paia.
O le Galuega 1:5 na fetalai atu ai Iesu i Ona soo o le a papatisoina i latou i le Agaga Paia; ma e foliga mai
o le mea ofoofogia na tupu i le aso Penetekoso i le sefulu aso mulimuli ane, o le faataunuuga lea o ana
fetalaiga(Gal.2), ina ua talia e tagata Keriso ma avea i latou o soo toe fanaufouina o le Mesia.
E tasi le mea ua mautinoa: Soo se tasi ua gaua’i atu i le faatuatua ma le usiusitai i le Alii o Iesu Keriso ua
papatisoina o ia i le Agaga Paia. O le kerisiano alofa ma le agalelei, ua tuuina atu o ia mo isi, o le faaaliga
aupito silisili lea o lea papatisoga.
O le vaiaso nei o le a tatou vaai atu ai i lenei folafolaga mo i latou uma o e tuuina atu i latou i le Alii o Iesu
Keriso.
Suesue le lesona o le vaiaso nei e saunia ai mo le Sapati, Me 6.
39.
---------------------------------------------------------------------------------------------------------------------------------
ULUA’I ASO APERILA 30
TASI LE AGAGA, TASI LE TINO
FAITAU le 1 Korinito 12:1-13. O le a le manatu o loo una’iina e Paulo iinei, ae maise lava i le
fuaiupu e 13?
O loo fetaia’i Paulo iinei ma le ekalesia o loo fefinaua’i i meaalofa faaleagaga. I le tali atu i ai, fai mai
Paulo, “’Aua le fevaevaea’i i lea mataupu.” Pe tusa ai foi ma lana faamaninoga o lea itu: “Auā foi o le
Agaga e tasi na papatisoina ai i tatou uma i le tino e tasi; po o Iutaia, po o Eleni, po o pologa, po o sa’
oloto; ma ua faainumia i tatou uma i le Agaga e toatasi.”(1 Kor.12:13).
O le upu o loo faaliliuna “auā fo’i” i le fuaiupu i luga e mafai foi ona faaliliuina “i le” e pei ona iai i le (NEB
etc). O le mea lea, o le tagata talitonu faamaoni ua papatisoina i le Agaga e tasi i le tino o Keriso (f. 13),
o le ekalesia lea. Po o a lava isi manatu sa manao Paulo e ta’u atu, e tasi lava le manatu ua manino: O
tagata talitonu uma lava ua tofusia i le faamaoni o le papatisoina i le Agaga, ma o lea mea ua avea ai i
tatou o le vaega o le tino o Keriso, le ekalesia.
O le papatisoga i le Agaga, pe o le liuga, e muamua i le papatisoga i le vai. O le papatisoga i le vai o le
faaaliga i fafo o le liuga ua uma ona tupu i le loto. O le tagata talitonu faamaoni e fanaufouina i le Agaga
(Ioane 3:5,60: O le Agaga o le sui e faamaufaailogaina ai(Efeso 1:13,14); ma o le Agaga ua tuuina mai ua
avea ma faamaoni (mautinoaga) ma le faamanatuga o lea tagata e a le Atua (2 Kor. 5:5).
O LE A le taua o le afio o le Agaga Paia i totonu o i tatou? Roma 8:9.
I le talia e le tagata o Iesu e avea ma Faaola, ua tatou talia ai le Agaga o se foa’i mai faalelagi po o se
faamaoniga, o le atoatoa o le faaolataga mulimuli ane. O Lona afio ai ua avea ma o tatou mautinoaga ma
se faamanatuga faifai pea o se aso o i luma e le gata ina afio Iesu i totonu o i tatou; ae o le a tatou mafuta
ma Ia ma agelu e le i agasala i le malo e le toe pa’i ma faalavelave mai ai le agasala ma faaosoosoga ia i
tatou. Ina ia faamanatu mai pea ia i tatou lea laveaiga mulimuli ane mai le malo o le agasala, o lea ua ia
foa’i mai ai pea ia i tatou lona Agaga.
O tagatga talitonu uma lava talu mai le aso Penetekoso ua latou maua le faamaoniga o le Agaga, e tutusa
lelei lava ma le papatisoga i le Agaga. O le fesili aupito sili lenei ona taua mo i tatou: O le a le tele o lo
tatou gaua’i atu e talia le Agaga?
40
---------------------------------------------------------------------------------------------------------------------------------
ASO GAFUA ME 1
LAGONA O LE SESĒ MA LE AGAGA
“Ua faalogo mai i latou, ona tuia lea o latou loto, ua latou fai mai ia Peteru ma le au aposetolo
uma, Sema e, le au uso e, se a se mea matou te faia? Galuega 2:37.
Vaai i le faagaoioiga o loo faaātaina mai i le fuaiupu o loo i luma. Afai e te faitauina fuaitau o loo muamua i
le Galuega 2 (amata mai i le fuaipu e 14), o le a mafai ona e manino lelei i le mea o loo tupu iinei. I le
lauga atu a Peteru o loo ia ta’ua ai le Feagaiga Tuai ia te i latou e faatatau i le maliu, le toe tu mai, ma le
afio a’e o Iesu i le lagi. O loo ia tautala atu ia te i latou i le fuafuaga o le faaolataga.
Matau lelei la latou tali na sosoo ai. Se tali ea o le olioli? Fiafia? Leai, sa tuia o latou loto.” O le uiga o le
veape Eleni o le “tutui” ma o le manatu o loo tuuina mai i le mau sa tiga i latou, sa tigaina, ma mafatia i o
latou loto fuatiaifo. Ma e le o se mea e ofo ai, ae maise lava pe a e faitauina le fuaitau e 36. O le mea
moni i se tasi itu, o i tatou uma lava e aofia ai i le tulaga sese e pei lava o i latou ia ona o le agasala a i
tatou uma na avatua ai mulimuli ane Iesu i le Satauro.
Peitai, e manino lava le manatu iinei: o le lagona o le sese, lagona faanoanoa, o le tiga, na fesoasoani e
avatua ai i latou i le tulaga latou te manaomia ai se fesoasoani.
FAITAU le 2 Korinoto 7:9-11. I au lava upu tusi i lalo le mea o loo fai mai ai Paulo iinei ma e
faapefea ona aiga atu i le mea na tupu i tagata Iutaia i le aso Penetekoso?
_________________________________________________________________________________
_________________________________________________________________________________
I lenei siosiomaga, e faigofie ona malamalama ai i fetalaiga a Keriso, “ Amuia e loto maulalo; aua e o latou
le malo o le lagi”(Mat. 5:3). Peitai, o le tele o le tala lelei o le feau o le olioli, o le filemu, ma le faamoemoe,
o le auala o le faaolataga, e pei o le salamo, ma le olaga faapaiaina e aofia iai ni tiga i la tatou vaega (Ga.
14:22). O le mea moni, o le tasi o gaoioiga a le Agaga Paia o le aumaia lea ia te i tatou o le lagona o le
agasala (Ioane 16:8), ma e na o le tasi le itu e mafai ai, e faalagolago i le tulaga e mafai ai ona “tutui” o
tatou loto e ala i le mautinoga o le tele o le tulaga agasala sa iai o tatou olaga
O faapefea ona avatua e le Agaga o lagona o le agasala i lou loto?...
41.
---------------------------------------------------------------------------------------------------------------------------------------
ASO LUA ME 2
O LE SALAMO MA LE AGAGA
“Ona fai atu lea o Peteru ia te i latou, Ina salamo ia, ma ia taitasi ma papatisoina outou uma i le
suafa o Iesu Keriso, mo le faamagaloina o agasala; ona maua lea e outou o le mea foai fua mai, o
le Agaga Paia lea.” Galuega 2:38.
E ui lava ina folafola atu iinei e Peteru le meaalofa o le Agaga Paia ia te i latou e salamo ma papatiso, ae
ua na o le galuega lava a le Agaga Paia e mafai ona avatua ai i latou i le salamo. O le mea lea, e mafai
ona tatou iloa iinei le faamaoniga o le galuega a le Agaga Paia i vaega taitasi o le va fealoa’i o le tagata i
lona Foafoa. E ta’ua e tagata suesue o le Tusi Paia lea tulaga o le “alofa tunoa mo tagata uma.”
O le salamo o le suia o le mafaufau ma le olaga. O upu o loo faatatau i le salamo i le gagana Eperu ma le
gagana Eleni e aofia ai le manatu i le suiga, ae maise lava le suia o le mafaufau ma le itu lagi e aga’i i ai. O
le ioega ua faia e se tasi se mea sese, o se ioega e le gata ina taitaina atu ai i le faanoanoa ae faapea foi
le suiga, o le liliu atu i le Puna o le ola ma le malamalama tau le amio. O le Salamo, le salamo moni (2Kor.
7:10), o se vaaiga sili ona malosi ua pa’i atu le papatisoga a le Agaga Paia i se tagata
FAITAU le Roma 2:4, faatasi ai ma le Ioane 15:26 ma le 16:13,14. E faapefea ona fesoasoani mai
nei mau ia i tatou e malamalama ai i le galuega a le Agaga Paia i le aumaia o i tatou i le salamo?
____________________________________________________________________________________
____________________________________________________________________________________
O le Agaga Paia o le sui lea o Keriso i le lalolagi. Ua na o lana galuega lava i le faaalia ia i tatou o le upu
moni e faatatau ia Keriso e mafai ai ona avatua i le tagata le lagona o le agasala, ma o’o ai i le salamo
moni. Ua na o le mana lava o le Agaga e mafai ai e i tatou ona avatua i tatou e faia se gaoioiga iloga e
lafoa’i o tatou auala agasala ma ola i le gaua’i atu i le Alii. E ala i le faaalia mai ia i tatou o le alofa o le
Atua, e faapea ona pa’i mai ai ia i tatou le Agaga ma aumaia ia i tatou le lagona moni e loto atu e auauna i
le Atua: o se loto faafetai e alofa atu ai i se Atua o lē na mua’i alofa mai ia i tatou (1 Ioane 4:10).
O le alofa moni i le Atua e le mafai ona faamalosia. E afio mai le Agaga ma pa’i mai ia i tatou; e ia te i tatou
le saolotoga e gaua’i atu ai i Lana musumusuga pe o le teena ese. I le i’uga, o le filifiliga lava e a i tatou,
ma e na o i tatou lava.
42.
-----------------------------------------------------------------------------------------------------------------------------------
ASO LULU ME 3
O LE USIUSITAI MA LE AGAGA
Toe faitau le Galuega 2:37, le tali atu a ia tagata Iutaia i le molimau a Peteru. O le a la latou tali
atu? Faatusatusa lea tali ma le tali atu a Saulo(Galuega 9:5,6). I ia mea uma e lua, o a ni
faamaoniga vaaia e faaalia ai e moni lo latou liuga?
_________________________________________________________________________________
_________________________________________________________________________________
O i tatou o ana molimau i nei mea e tolu; e faapea foi le Agaga Paia le e foa’i atu e le Atua ia te i latou e
usiusitai atu ia te ia” (Gal. 5:32). E pei ona fai mai ai o lenei mau, o le usiusitai o se tasi lea o mea muamua
e manaomia mo le maua o le Agaga Paia. Ae po o le a lava le tele o le faaolaina o i tatou i le faatuatua, po
o le a lava le tele, ae ua na’o le amiotonu lava a Keriso ua foaiina mai ia i tatou e faaolaina ai i tatou mai le
faasalaga mulimuli ane o le agasala. E le mafai ona tatou ola e usiusitai atu i le Alii. O le Agaga Paia ua
foaiina mai e aumaia le lagona o le agasala ia i tatou, o le lagona lea o le agasala na te taitaiina atu i tatou
i le usiusitai. Soo se mea lava e ese mai lea, o se mea sese faafoliga.
VAAI i mau o loo i lalo. O le a se mea o loo latou ta’u mai ia i tatou e faatatau i le galuega a le
Agaga Paia ma le usiusitai?
Galuega 16:7 ________________________________________________
Gal. 5:5,6 ___________________________________________________
Gal. 5:22-26 ________________________________________________
1 Pet. 1:2 ___________________________________________________
A o fautua e Iesu iinei Ona soo e usiusitai i le Atua, savavali i poloaiga, ia alofa atu ma faamagalo le tasi i
le tasi e pei ona alofa mai le Atua ma faamagalo i tatou. O se mea valea tele la le talitonu o le Agaga Paia,
o loo suitulaga ia te ia iinei, ona fautuaina i tatou i se auala e ese mai lea. O i latou ua manatu ua
“papatiso e le Agaga Paia” ma faaaoga, mo se faataitaiga, “tautala i gagana” e avea ma faamaoniga o lea
papatisoga ae o loo ola i le le usisutai i poloaiga a le Atua ua faavaleaina i latou e i latou. O le faamaoniga
silisili o le ola i le Agaga o le olaga lea faatuatua ma le gaua’i usiusitai atu i le Atua.
43
-----------------------------------------------------------------------------------------------------------------------------------
ASO TOFI ME 4
LE FAATUATUA MA LE AGAGA
E pei ona tatou vaaia ananafi, o i latou o e gaua’i atu i le unaiga a le Agaga Paia o le a avatua i le mea e
ta’ua e Paulo “o le usiusitai o le faatuatua”(Roma 16:26). Peitai, ona o i latou e faaolaina i le usiusitai ia
Keriso, ma e talu ai o le faaolataga e le mafai ona tuueseeseina mai le usiusitai, e faigofie lava la i tagata
ona se’e ese atu i le mailei o le fenumia’i o fua o le faaolataga(usiusitai) ma le auala o le faaolataga
(faatuatua ia Keriso). O le faafitauli lea sa iai i tagata Kalatia.
FAITAU le Kalatia 3:1-11. O le a le mataupu o loo tautalagia e Paulo iinei? O a popolega na ia
faailoa atu mo tagata Kalatia? Matau faapitoa le galuega na ia tuuina atu i le Agaga i mau nei.
___________________________________________________________
___________________________________________________________
O le Agaga Paia na te ta’ita’i atu tagata i “upu moni uma”(Ioane 16:13); Ae o le ogatotonu o “upu moni
uma” o Keriso lava lea, o Ia na faasatauroina ai (1Kor. 2:2). O le upu moni aupito sili o upu moni uma o
Iesu Keriso na maliu mo agasala a le lalolagi, i Kalevario na ia totogiina ai le tau mo agasala uma a tagata,
ma e mafai e soo se tasi e ala i le faatuatua, ona faamagaloina ana agasala ma tu atu o se tagata atoatoa
i luma o le Atua. O le ogatotonu i lea upu moni o le leai lea o se galuega e mafai ona faia e se tagata, e oo
lava i galuega o le tulafono, na te mafai ona togiola mo ana agasala ma aumaia le faamagaloga(Roma 3:
20, Kal.2:16). O le faamagaloga lenei ma le togiola ua na o le galuega a Iesu e aumaia ai ma aoga ai i
olaga o i latou o e faatuatua; o lona uiga, o i latou ia e tapā lea mea mo i latou e ala i le faatuatua (Kal.3:
5,6). O le mea lea, o le Agaga Paia lava lea e tasi o Le na te taitai atu i tatou i le usiusitai o Ia lava lea e
tasi e fesoasoani ia i tatou e malamalama i upu moni tetele taua o le faaolataga e ala i le na o le faatuatua
lava. E foliga mai ua leiloa i le vaaiga a tagata kalataia lea upu moni.
Ia maitau foi, le galuega faapitoa ua tuuina atu e Paulo i le Agaga Paia iinei (Kal.3:2-5) ma le auala ua
fesootai ai e Paulo le afio mai o le Agaga Paia i tagata e ala i lo latou faatuatua, e tetee atu ia latou
galuega o le tulafono.
O a nisi o mailei poto o le faalagolago i galuega e faaolaina ai e faigofie lava ona tatou pa’u atu i
ai? E mafai ea ona puipuia mai i tatou i le pa’u atu i ia mailei.
44.
--------------------------------------------------------------------------------------------------------------------------------
ASO FARAILE ME 5
SUESUEGA FAAOPOOPO: Elena Uaita, Galuega a le Au Aposetolo, itulau 41-46,50; Christian Service,
itulau 225-255; Pateriak ma Perofeta, pp. 283-287,290,632-634; Molimau mo le Ekalesia, Tusi 6, p. 444;
vol. 7, pp 211,212; Esto 14.
Faataga Keriso e galue e ala i Lona Agaga Paia, ma fafagu oe mai le oti, ma tauave lou mafaufau faatasi
ma Ia. Faataga o Ia e faaaoga ou atamai uma. Na Ia foafoaina atamai uma ina ia mafai ai e oe ona tuuina
atu le viiga ma le mamalu i Lona suafa. Faapaia oe lava ia te Ia, ma o le a iloa ai e i latou uma o e
auaumea ma oe o ou malosi uma e unaiina e le Atua, ma o ou atamai uma ua valaauina e galulue e faia le
galuega a le Atua. O atamai uma sa faaaogaina e auauna ai ia te oe lava ma faaleleia ai mea le aoga, sa
auauna atu e fai ma tino o le amioletonu, o le a avatua e ave faatagataotauaina ia Iesu Keriso ma avea ma
mea e tasi ma le finagalo o le Atua.” Elena Uaita, Testimonies to Ministers and Gospel Workers, p. 396.
“Tatou te manaomia le papatisoga le Agaga Paia.” Evangelism p. 66
FESILI MO FELAFOLAFOAIGA:
1. Faasoa atu au tali i le fesili mulimuli o le Aso Lua i le vasega. O le a se mea e mafai ona e
aoaoina mai i tali a tagata taitoatasi?
2. Faitau faatasi e le vasega le Luka 11:11-13. ona talanoa lea i foliga e oo iai pe afai e te
tuuina atu i se tasi e taua ia te oe e faatatau i se meaalofa e te iloa latou te manaomia tele. O le
a le mea na te faia i ou lagona? Aisea na e naunau tele ai e tuuina atu? Ma ia manatunatu i lou
mafaufau, o le a se mea e mafai ona tatou aoaoina mai e faatatau i le folafolaga o le foaiina mai ia
i tatou o le Agaga Paia?
3. Vaai pe mafai e la outou vasega ona maua se taimi a o lumanai ai le suesueuga o le
lesona e sauniuni ai sina faamatalaga mo le Aoga Sa i le uiga o le “papatisoaga a le Agaga Paia”.
Manatunatu muamua i le tele o ituaiga fesili e mafai ona fesili ai tagata ekalesia e faatatau i lea
mataupu, ma sauniuni lelei e tali atu ia i latou.
45.
