LESONA 3 APERILA 8 - 14
O IESU MA LE AGAGA PAIA
AOAULI O LE SAPATI:
Faitauga mo le suesuega o le vaiaso nei: Ken. 1:2; Iopu 33:4; Mat. 1:18-20; 3:16,17; Luka 1:35;
Ioane 3:3-8, 34; Roma 8:11; Eperu 9:14.
MATUA TAULOTO: “Ua tali mai le agelu, ua faapea mai ia te ia, E afio ifo le Agaga Paia i luga ia te
oe, e faamalumalu ifo foi ia te oe le mana o le Silisili ese; o le mea lea e ta’ua ai le tama paia, o le
Alo o le Atua.” (Luka 1:35).
Na iai le vaega fai a le Agaga Paia i le liutino tagata o Iesu ma Lona afio mai i le lalolagi nei. Na fanaua
Iesu e Maria e ala i le faamalumalu ifo i ona luga o le Agaga. A o le i amataina lana galuega lautele, na
faauuina Iesu i le Agaga a o afio ifo o Ia i ona luga i foliga o se lupe i Lona papatisoga. Na mae’a lona
papatisoga sosoo ai loa ma le taitaiina o Ia e le Agaga i le vao.
I Lana galuega atoa na taitaiina Iesu e le Agaga. Na tuuina atu o Ia atoa i le faataunuuina o le finagalo o
lona Tama e pei ona faaalia ia te Ia i Tusitusiga Paia ma le una’iga a le Agaga. Na gaua’i atu ona lava
lagona. E le i fia maliu o ia i le 33 o ona tausaga e pei lava o oe ma a’u. O le mea moni, Sa ia ole atu i Lona
Tama ina ia aveesea lea ipu mai ia te ia, pe afai e mafai. Peitai, e sili ia te ia ona maliu i le 33 o ona
tausaga nai lo le tetee atu i le finagalo o lona Tama. E le i tautū o ia ina ia faia lona lava loto, e ui lava ina
faigofie ona sola ese mai le maliu.
O Lana galuega, o Lana auaunaga, ma Ana vavega na faataunuuina lava, e pei foi ona tatau ona faia e i
tatou, e ala i le taitaiga a le Agaga Paia.
Suesue le Lesona o le vaiaso nei e sauni ai mo le Sapati, Aperila 15.
18.
--------------------------------------------------------------------------------------------------------------------------------------
ULUA’I ASO APERILA 9
SOIFUA MAI FAAVAVEGA
Faitau le Mataio 1:18-2- ma le Luka 1:35. O le a le vaega fai ua tuuina atu e nei mau i le Agaga
Paia e faatatau i le soifua mai o Iesu i le tino tagata?
___________________________________________________________
___________________________________________________________
Afai e iai ni mau i le Tusi Paia e faaalia ai tuaoi e gata mai ai le poto faasaenitisi ma le atamai o tagata ma
lona iloa e faatatau i le faamatalaina o upu moni silisili a le Atua, o mau ia e lua e tatau ona aofia ai i mau
laualuga. O se mea e matua ofoofogia, o se fafine na faatō e ala i le Agaga Paia; a o ia o le taupou e le i
iloa se tane(Mat.1:23), ma ua atili ai lava ona avea o se mea e sili ona maofo ai. I le tala tuufaasolo o le
ekalesia, e toatele lava tagata e tofu ma ituaiga faamatalaga eseese e tau faamatala ai le fanau mai o Iesu
e ese mai nai lea o loo ta’uina mai le mau. O i latou e muta mai le mea latou te talitonu iai i mea e mafai
ona vaaia, lagona, ma pa’i iai, pe gata mai foi i mea na oo ia i latou, poo mea e mafai e le poto faasaenisi o
aso nei ona faamatala ia i latou, o le a matua faigata lava mau nei ia i latou ma upu moni silisili o loo faailoa
mai ai. Peitai, o i latou, e talitonu i le mana o le Atua(Luka 1:37), Epe.11:6) ma le upu moni o le Afioga a le
Atua(2 Tim. 3:16) e mafai ona latou talia mau i le mea o fai mai ai, tusa lava po o le a le itiiti e mafai ai ona
tatou malamalama i le faagaoioiga o loo i tua atu o le upu moni ua faaalia mai ai. Mulimuli ane, o le tagata
amiotonu, e ola i le faatuatua, (Epe. 10:38), ae o le a le faatuatua pe afai e le o le talitonu i le mea e le
mafai ona tatou malamalama atoatoa iai, a o ai foi na te mafai ona malamalama i se fafine agasala ua
fanau mai i lona to’ala fanau le Alo o le Atua?
E mafai faapefea e nai ia mau (Ken. 1:2, Iopu 33:4, Ioane 3:3-8, Roma 8:11) ona fesoaoani ia i tatou
e malamalama i le galuega a le Agaga Paia i le to a Maria ma le fanau mai o Iesu?
___________________________________________________________
___________________________________________________________
Po o le a lava le le mafai ona fuatia i o tatou mafaufau o le fanau mai o Iesu i le tino tagata, ae le faigata
ona malamalama i le mafuaaga i le avea o le Agaga Paia, le Tasi o le Aigaatua ma sui na auala mai ai. O ai
se tasi i tafatafa ane o le Atua na te mafai ona faia se vavega faapea? E faigata ona manatu i se agelu e
maulalo ifo, po o se mea na faia e maulalo na avea o se sui e faia lenei mea ofoofogia.
19.
---------------------------------------------------------------------------------------------------------------------------------
ASO GAFUA APERILA 10
FAAUUINA E LE AGAGA PAIA
O le a se mea o ta’u mai e le Mataio 3:16,17, Mareko 1:10; Luka 3:21,22; ma le Ioane 1:32,34 e
faatatau i le vaega a le Agaga Paia i le galuega a Iesu?
___________________________________________________________
___________________________________________________________
E ui lava o ia o le Alo lē ponā o le Atua, o Lē sa faatasi ma le Atua talu mai aso o le vavau (Ioane 1:1-3), i
Lona faaali ma i le tino tagata, sa faalagolago atoatoa atu Iesu i le galuega a le Agaga i Lona olaga. O lona
uiga, i Lona tulaga tagata, na Ia faatagaina ia lava e taitaiina ma faamalosia e le Agaga Paia.
Ia maitau foi, i lenei vaaiga na faaali mai ai Peresona e tolu o le Aigaatua i se auala faaptioa e le masani
ona faaalia i totonu o le Tusi Paia: Sa iai uma lava iina le Tamā, le Alo, ma le Agaga Paia. O lenei upu
moni, e ao ona ta’u mai ai ia i tatou le taua tele o le faauuga ma le papatisoaga o Iesu. Ioe, o iinei, i se
auala faapitoa, na amata ai Lana galuega, e le gata i le faaolataga o le fanau a tagata ae faapea foi ma le
faamutaina o le finauga tele ma Satani.
O le a se mea o ta’u ma i le Mataio 4:1, Mareko 1:12, ma le Luka 4:1 ia i tatou e faatatau i le
galuega faifaipea ma le vaega a le Agaga Paia i le galuega a Keriso?
___________________________________________________________
___________________________________________________________
O iinei foi, ua faailoa mai ai ia i tatou le uiga tosina o le Agaga Paia i le soifuaga ma le galuega a Keriso. O
iinei, i le vao o faaosoosoga, na laasia ai e Keriso le laueleele lava e tasi na uia e Atamu, ae i le tulaga e
sili ona leaga nai lo Atamu (o le mea moni, na to’a lelei le laualo o Atamu i le parataiso, a o Iesu, o le laualo
gaogaoii i le fia taumafa i le togavao naumati). O tusitala uma e toatolu o e na tusia tala i le faaosoosoga
na latou faamamafaina uma, o le Agaga lava lea, na faato’a pa’u ifo i luga o Keriso i se auala mata’iina i
Lona papatisoga, lea foi na taitaiina o ia i le vao. Ua latou ta’u manino mai fo’i o Satani lea na
faaoosoosoina o Ia.
O a ni auala ua fesaga’i ai foi oe ma ona lava “tofotofoga i le vao? O le a le mea na tupu ia te oe?
O le a se mea e mafai ona e aoaoina mai le mea na tupu ia Keriso e mafai ona fesoasoani ia te oe
i faaosoosoga i le lumanai
20.
-------------------------------------------------------------------------------------------------------------------------------
ASO LUA APERILA 11
NA TA’ITA’I E LE AGAGA
“Aua o le ua auina mai e le Atua, ua fetalai lava ia i le afioga a le Atua; aua e le foai faatatauina le
Agaga e le Atua ia te ia.” Ioane 3:34.
E faapea le faaliliuga manino o le fuaiupu lea i le faaliliuga o le Tusi Paia e ta’ua o le (Today’s English
Version): “O lē na auina mai e le Atua ua fetalai ma i upu a le Atua, aua na tuuina atu e le Atua ia te ia le
tumu atoatoa o lona Agaga.”
O le a le mea o fai mai ai Iesu i upu ia? O le a se mea o loo latou ta’u mai ia i tatou e faatatau i le
uiga tosina o le Agaga Paia i Lona soifuaga? O le a se mea o loo latou ta’u mai ia i tatou i le mea
e ao ona faia e le Agaga Paia i o tatou olaga?
___________________________________________________________
___________________________________________________________
Ua faamanino mai e le Galuega 1:2,3 o le mana o le Agaga Paia na “tuuina atu ai e Iesu poloaiga i le au
aposetolo.” O iinei foi, ua tatou maua ai se tasi faamatalaga manino i le faalagolago atu o Iesu i le mana o
le Agaga Paia i Lona soifuaga.
O le a le sini autu a Iesu i le taimi o lona soifuaga i le lalolagi? Ioane 4:34, 6:38, 8:29. Ua faapefea
ona fetaui lelei o lea sini autu ma le galuega a le Agaga Paia i Lona soifuaga?
___________________________________________________________
___________________________________________________________
Na tumau Iesu i Lona natura tagata, i aso uma o Lona faamaulaloga, e ala i le taitaiga faifaipea a le Agaga
Paia. O Ia o le Alo, e leai se mea e le’i ia te ia, peita’i, i le avea o Ia ma Atua i le fesootaiga tasi ma le Tama
ma le Agaga Paia e ona mea uma, na ia tauaveina ma le alofa lo tatou natura….E ui lava o ia o le Alo o le
Atua, na te le i faia i lona lava malosi lana sauniuniga, faamalosiaga ma lana galuega, peitai, na loto malie
o ia e maua mai ia mea mai le aao o le Agaga Paia.” The Work of the Holy Spirii, 1975, p. 96.
O le a se suiga e te manaomia e faia i lou olaga ina ia avea upu uma e te tautala ai e faia e ala i
le taitaiga a le Agaga Paia? O le a le eseesega o le a iai i au upu nai lo le taimi nei?
21.
---------------------------------------------------------------------------------------------------------------------------
ASO LULU APRILA 12
GALUEGA TA’ITA’IINA E LE AGAGA: Vaega 1
“Ua i o’u luga le Agaga o le Alii, aua ua na faauu mai ia te au e folafola le tala i e matitiva; ua
auina mai a’u e ia e faamalolo i e loto momomo, e tala’i le saolotoga i le tafeaga, ma ia pupula
mata o e tauaso, e tuu saoloto i e ua faasauaina, e tala’i le tausaga e finagalo malie mai ai le Alii.”
(Luka 4:18,19).
A’o e faitauina le tusi o loo i luga, manatunatu i le mea o loo faamamafaina e Keriso. I nisi upu, e
ui lava ina o loo tautala o Ia e faatatau i le Agaga o le Ali i ona luga, na faapefea ona faaalia o lea
upu moni i Lona soifuaga?
___________________________________________________________
___________________________________________________________
Na tala’i atu e Iesu le tala lelei i le tagata na ulufia e temoni (Mar.5:1-16); Na ia faamagaloina Maria le
Makatala agasala(Luka 7:36-48, Ioane 8:1-11) ma lavea’iina mai o ia mai le pologa o le agasala; na ia foa’
iina atu le vaai i le tagata tauaso (Mar.10:46-53), faapea foi i e tauaso faaleagaga; Na ia faasaolotoina i
latou na puapuagatia ma tala’i le tausaga e talileleia ai e Ieova.
Na faailoa atu e le ‘au Faresaio na tulia e Iesu temoni e ala i le mana o Pelesepulo. Peitai, na ia faamanino
atu na faia e Ia ia vavega e ala i le mana o le Agaga (vaai i le Mat. 12:28). Sa faalagolago atu Iesu i le
mana o le Agaga mo le faia o Ana vavega i le taimi o lana galuega i lalo nei.
O le a le vaega na faia e le Agaga i le ofoina atu e Keriso Ia lava e fai ma togiola mo a tatou
agasala? Eperu 9:14.
___________________________________________________________
___________________________________________________________
Na faapefea ona taaofa’i e Peteru le taitaiga a le Agaga Paia i le galuega a Iesu? Galuega 10:38
___________________________________________________________
___________________________________________________________
E le o Iesu se tasi o i tatou. Peitai, o fea ni auala e mafai ai e i tatou pe a faatumuina e le Agaga,
ona faia nisi o mea ia na faia e Iesu mo le lelei o isi (Ioane 14:12? Na e mafai faapefea i lalo ifo o
le mana o le Agaga, ona faia o nisi o ia lava mea
22.
-----------------------------------------------------------------------------------------------------------------------------------
ASO TOFI APERILA 13
GALUEGA TA’ITA’IINA E LE AGAGA: Vaega 2
“Aua o Keriso foi na tigaina o ia faatasi mo agasala, o le amiotonu o le sui o le amioletonu, ina ia
ta’ita’iina e ia o i tatou i le Atua; na fasiotia o ia i le tino, a ua faaolaina ma i le Agaga” (1 Peteru 3:
18; vaai foi i le Roma 1:4,8:11)
E tasi le Atua, ae tolutasi. O Peresona e tolu o le Tolutasi e galulue faatasi. E matua fesoota’i faatasi i
latou i la Latou galuega. O le mea lea, e ui lava ina fai mai le mau lenei na faatuina mai Iesu nai e na oti e
le Agaga, peitai, o isi Peresona e lua o le Aigaatua na galulue faatasi i le faatuina mai o Iesu.
O ai o fai mai ai le aposetolo o Paulo na faatuina mai Iesu nai e ua oti? Kalatia 1:1, Efeso 1:17-20.
___________________________________________________________
___________________________________________________________
O le a se mea na fai mai ai Iesu e faatatau i Lona toe tu mai? Ua faapefea ona fesoasoani mai
lenei mau ia i tatou e malamalama ai i mea uma na aofia ai i Lona toe tu mai? Ioane 10:17,18.
“I le tuugamau o Iosefa, na faasilasila manumalo atu ai e Keriso, ‘O a’u nei le toe tu ma le ola.’ Na o le Atua
e mafai ona fetalai atu i ia upu. O mea uma lava na foafoaina e ola e ala i le finagalo ma le mana o le
Atua. E faalagolago atu i latou uma i le soifua o le Atua. Mai le Serafi e sili ona maualuga i le meaola
aupito sili ona itiiti, e maua e ia mea uma le ola mai le Puna o le ola. Ua na o Ia lava e tasi ma le Atua e
mafaia ona faapea atu,
“O ia te au le pule e tuuina atu ai lo’u ola, o ia te au foi le pule e toe au mai ai; I lona itu atua, na maua ai e
Keriso le mana e motusia ai noanoataga o le oti.” Faanaunauga o Tupulaga, itulau 785.
E ui lava ina itiiti se taimi na faaalu e Paulo i mea tutupu o le soifuaga o Keriso, peitai, o lona maliu ma
lona toe tu mai o ni mataupu autu i tusi a Paulo. Pe a tautala Paulo i le mea e “silisili ona taua” (1 Kor.15:3)
mo le tagata talitonu, e faasino na “maliu Keriso mo a tatou agasala e pei ona tusia i Tusi, na tanumia o ia,
ma toe faatuina ma i le aso tolu e tusa ai ma tusi, na faaali mai foi o Ia(f. 3-5). E le o se mea la e ofo ai le
fesoota’i e le Tusi Paia Peresona uma e tolu o le Aigaatua ma le toe tu mai o Keriso e pei foi ona faia i lona
papatisoaga. E matua taua tele le itu lea ia te i latou uma tatou te talitonu o tagata Kerisiano.A aunoa ma
lea talitonuga, fai mai Paulo, ua leai so tatou faamoemoe(f. 17).
23.
-------------------------------------------------------------------------------------------------------------------------------------
ASO FARAILE APERILA 14.
SUESUEGA FAAOPOOPO: Elena Uaita, Le Faanaunauga o Tupulaga, itulau 72-74, 111-113, 122,123;
The Ministry of Healing, p. 479; Isaia 58.
O Iesu lo tatou faaa’oa’o…. Na soifua e faafiafia, faamamalu, ma le viiga Lona Tama i mea masani o le
olaga. Na amata lana galuega i le faapaiaina o le galuega faatauvaa o le kamuta o e na galulue mo a latou
mea ‘ai mo aso taitasi. O lona galue i le fale kamuta, o lona faia lava lea o le galuega a le Atua e pei o lona
faia o vavega mo le motu o tagata. Ma o talavou uma lava o e mulimuli i le faaa’oa’oga a Keriso o le
famaoni ma le usiusitai i Lona aiga maulalo e mafai foi e i latou ona tapā ia upu na fetalaia mai e Ia e ala i
le Tama mai le Agaga Paia, ‘Faauta i La’u Auauna, ou te taofia o ia i luga; o le ua ou filifilia, ua fiafia i ai lo’
u loto.’ Isaia 42:1.” Elena Uaita, The Desire of Ages, p. 74.
O mea uma e faatatau i le soifuaga o Keriso i le lalolagi na faataunuuina uma e ala i le mana o le Agaga:
(1) Lona fanau mai(Luka 1:35); (2) Lona papatisoga (L:uka 3:21,22); (3) Lona ta’uamiotonuina; o lona
uiga, o le faaaliga o Lona soifuaga amiotonu (1 Tim3:16); (4) Lana taitaiga i Lona soifua galue(Luka 4:1);
vaai foi i le Luka 2:49); (5) Ana vavega(Mat.12:28); (6)Lona toe tu mai (1 Pet.3:18). O lenei upu moni o
loo faasino mai ai ma le malosi tele le vaega taua a le Agaga Paia i le fuafuaga o le faaolataga atoa ma o
tatou olaga.
FESILI MO FELAFOLAFOAIGA:
1. I le vasega, felafolafoa’i e faatatau i le liutino mai o Iesu, e faatatau i le uiga taua ua “afio
ifo i lalo nei” le Atua lava Ia i lo tatou lalolagi ma maliu mo a tatou agasala. O le a se faamoemoe
ua tuuina mai e lenei upu moni taua ia i tatou?
2. E tusa ai ma le faamatalaga a Elena Uaita, sa feavea’i tala i le fanau “tofale mai” o Iesu. O a
ni aoaoga mo i tatou o loo iai iina mo i tatou i aso nei? Ua e iloa se tasi ua to e aunoa ma le
faaipoipo, pe o le faia o se mea sese faapea? O le a se mea e mafai ona fai e la outou vasega e
fesoasoani ai i lea tagata nai lo le faitatala solo i se tulaga faapea?
3. O a ni auala faatino e mafai e la outou vasega ona faia i isi mea lelei na faia e Iesu e pei o
le asiasi atu i e mama’i, pe o le valaaulia o tagata tou te aai faatasi? E faapefea ona avea o ia
galuega vaaia ma faaaliga o le galuega o le Agaga Paia i o tatou olaga?
24.
