LESONA 2 APERILA 1 -7
O FAATUSA O LE AGAGA PAIA I TOTONU
O LE TUSI PAIA
AOAULI O LE SAPATI
Faitauga mo le Suesuega o le Vaiaso nei: Mat. 3:11; 10:16; Ioane 1:9, 32; 7:37-39; 2 Korinito 1:20-
22; 1 Peteru 1:22.
MATUA TAULOTO: E agi le matagi i le mea e loto i ai o ia, e te faalogo foi i lona agi, a e te le iloa
le mea na sau ai, ma le mea e alu atu i ai; e faapea i latou uma o e ua fanau mai e le Agaga.”
Ioane 3:8.
I le faaopoopo atu i le anoano o mau e faatatau i le Agaga Paia i totonu o le Feagaiga Tuai ma le
Feagaiga Fou, e masani lava ona faatusaina le Agaga e ala i le faaaogaina o ni faatusa eseese: Vagana
lava ua malamalama lelei i faatusa ma auala, poo faamalamalamaga o loo faaaogaina mo le Agaga ona
faato’a mafai lea ona malamalama lelei i Lana galuega ma lana misiona i le olaga o le tagata talitonu.
I totonu o i tatou ua pei o se Malamalama e faamalamalama atu; i totonu o i tatou ua o se Uo e fautua; i
totonu o i tatou ua o se Vai e faaolaola ai; i totonu o i tatou ua o se Fesoasoani e faaloto tele; i totonu o i
tatou ua o se Faiaoga e a’oa’o; i totonu o i tatou ua o se Ta’iala e faasino; i totonu o i tatou ua o se Suauu
e faaiilaina i tatou; i totonu o i tatou ua o se Afi e faamamaina; i totonu o i tatou ua o se Lupe e alofa; i
totonu o i tatou ua o se Faamaufaailoga ina ia mautu; i totonu o i tatou ua o se Molimau e faamaonia ai; i
totonu o i tatou ua o se Malosi e tausia; i totonu o i tatou o se Mana e tatalo ai; i totonu o i tatou o se Puna
e fua mai ai; i totonu o i tatou ua o se apulupulu e tupu ai i tatou; i totonu o i tatou o se Faamanatu e
faamanatu mai ia i tatou o folafolaga uma taua a le Atua o le ioe ma le amene ia Keriso; ma i totonu o i
tatou o se faamaoniga o le mamalu o loo sau.” F.E. Marsh, Emblems of the Holy Spiriti(Grand Rapids,
Mich,: Kregel Publications, 1957,1971), p. 246.
O le vaiaso nei o le a tatou vaai atu ai i uiga o nisi o nei faatusa.
Suesue le sesona o le vaiaso nei e sauni ai mo le Sapati, aperila 8.
11.
-------------------------------------------------------------------------------------------------------------------------------
ULUAI ASO APERILA 2
LE LUPE
“Ua molimau foi Ioane ma ua faapea mai, Na ou iloa le Agaga ua afio ifo mai le lagi peiseai se
lupe, ua nofo i ona luga.”(Ioane 1:32).
Na folafola mai e le Atua e tuuina atu ia Ioane se faailoga e mafai ona iloa ai le Mesia, i le taimi nei ua
tuuina atu ai lea faailoga na folafolaina mai a o afio a’e Iesu nai le vai; aua na ia iloa atu le lagi ua avanoa,
ma le Agaga Paia o le Atua ua faapepepepe pei se lupe auro pupula i luga o le ao o Keriso.” E.G.W.
Comments, The SDA Bilbe Com. Vol.5,p.1078.
Pe a e manatunatu i se lupe, O a uiga e te manatu i ai? Aisea ua faaaogaina ai lenei ituaiga manu
lele – ae le faaaogaina se Oleva, se manualii, po o se lulu - e faatusa iai le Agaga Paia? Vaai i le
Mataio 10:16
O le upu i le Mataio 10:16 e masani ona faaliliuina o le “fifilemu” e mafai ona faaliliuina sa’o o le “lefilogia”
“mamā,” “le filogia i le leaga.” O se faamatalaga tonu lenei o Iesu, ae o se faaaliga foi o le mea e mafai ona
fai e le Agaga Paia i soifuaga o tagata talitonu.
Faitau le Efeso 5:9, 10; 2 Tesalonia 2:13; ma le 1 Peteru 1:22. O le a se mea o loo ta’u mai e le Alii ia
i tatou i nei mau?
___________________________________________________________
___________________________________________________________
E matua manino lava le Tusi Paia i le ituaiga soifuaga e ao ona soifua ai i latou o e mulimuli atu i le Alii.
Peitai, e manino foi, ua na o le mana lava mai lugā e galue i o tatou loto e mafai ai ona ausia le olaga e
finagalo ai le Atua mo i tatou. Ia te i tatou lava, e matua le mafai lava e i tatou ona liua i tatou i le silafaga a
le Atua. Ua na o le mana faamamā, faafou, ma le faapaiaina o le Agaga e mafai ai e i tatou ona atagia atu
le mama ma le amio a Iesu. O le sini lea a i latou uma o e o loo faailoa atu e mulimuli ia Keriso.
O fea vaega o lou olaga e manaomia le faafouga silisili? O a ni auala faatino e mafai ona e galue
faatasi ai ma le Agaga Paia ina ia mafai ai e Ia ona galueaina suiga o loo manaomia i totonu ia te
oe?
12.
---------------------------------------------------------------------------------------------------------------------------------------
ASO GAFUA APERILA 3
O LE VAI
O le toe aso, o le aso tele o le tausamiga, ua tula’i ai Iesu ma alaga, ua faapea atu, Afai e fia inu
se tasi, ina sau ia ia te a’u e inu ai. O se faatuatua ia te au, e faapei ona fai mai o le Tusi, E tafe
mai o vaitafe mai totonu ia te ia, o le vai ola lava. Ua fetalai atu o ia lena upu i le Agaga.” Ioane 7:
37-39.
Ua faatusa e Iesu iinei le Agaga i le vai. E manaomia tele le vai i le olaga. E le mafai ona iai se ola e aunoa
ma le vai. O le mea lea, e le mafai foi ona iai se olaga faaleagaga e aunoa ma le faatasi mai o le Agaga. E
le gata i lea, o le vai o se tasi o mea e le mafai e i tatou ona fai. E matua faalagolago atu atoatoa i tatou i
luga o le Atua mo lea itu. E faapea foi i le Agaga.
Ia maitau foi le manatu o le vai e tafe ese atu mai loto o i latou e talitonu ia Iesu. Ua faaalia iinei e le Alii se
upu moni taua e faatatau ia te i latou o e talitonu ia te Ia: O le mea latou te maua mai e ala i le Agaga e iai
le taimi e tafe ese atu ai mai ia te i latou i isi tagata.
Faitau le Isaia 44:3,4. Ua faapefea i lenei mau ona faailoa atu le manatu e tasi na faaalia i luga e
Iesu?
___________________________________________________________
___________________________________________________________
O le vaega e lua o le fuaiupu e 3 o loo faamanino ai le uiga moni o le vaega muamua. O le fuaiupu e 4, o
loo faailoa mai ai, e pei lava ona iai le tupu a’e pe a liligi le vai i luga o se eleele matutu, e faapea foi ona
iai o le tupu a’e faaaleagaga o le fua o le liligiina atu o le Agaga o le Atua. Ma o le tupu a’e o le fua moni
lea o le ola. E pei lava ona faaofuina le laueleele matutu i le ofu lanulauava ona o le vai, e faapea foi ona
mafai e le Agaga ona liua le agaga matutu i se tagata kerisiano matagofie. “O le Agaga Paia o le Atua e
ala i le faatuatua e tupu mai ai le olaga fou i le agaga.” Faanaunauga o Tupulaga, itulau 176.
Faitau le Mataio 18:21-35. O le a se aoaoga faavae o loo vaaia iinei o loo faaalia malosi ai le
manatu o le lesona o le aso nei?
___________________________________________________________
13.
---------------------------------------------------------------------------------------------------------------------------------------
ASO LUA APERILA 4
LE SUAUU
O ia ona po e tusa ai le malo o le lagi ma taupou e toa sefulu, o e na ave a latou lamepa, ma latou
o atu e faafetaiai i le faatoafaiava. Ua popoto le toalima o i latou, a e valea le toalima. O e valea
ua ave a latou lamepa, a e lei avea ma ni suauu. A o e popoto ua ave ni suauu i a latou fagu
faatasi ma a latou lamepa. Mataio 25:1-4.
O le suauu o le faatusa o le Agaga Paia. E pei lava ona le mafai e moli i le taimi o Keriso ona tuuina atu se
malamalama e aunoa ma le suauu, e faapea foi i le kerisiano ona le mafai ona avatua se malamalama i le
lalolagi e pei ona poloaina ai o ia e fai(Mataio 5:14-16), e aunoa ma le Agaga i lona olaga. O taupou
popoto i le faataoto “na latou maua le alofa tunoa o le Atua, le mana faafouina ma le faamalamalamaina o
le Agaga Paia, o lea na te faia Lana Afioga o le lamepa i vae ma malamalama i le ala. Na latou suesueina
le Tusi Paia i le mata’u i le Atua ina ia aoaoina le upu mon, ma sa saili atu ma le naunautai mo le olaga
mama i le loto ma le olaga.” Finauga Tele, p. 394.
O a ni upu o faamatalaina mai ai le malosi o le malamalama o le Agaga Paia o faamatalaina mai i le
Sakaria? Sakaria 4:1-6. O le a lou manatu o le a le uiga faapitoa o upu a le agelu i le fuaiupu e 6?
___________________________________________________________
___________________________________________________________
O lamepa poo tuugalamepa o le faatusa o le ekalesia, po o i latou e mulimuli ia Keriso(vaai i le Faaaligai 1:
20). Mai Le paia o loo tu i luma o le Atua, ua faapea ona tuuina atu ai o Lona Agaga Paia i mea
faigaluega faaletagata ua faapaiaina mo Lana galuega. Ua na o le faauuga lava ma le faapaiaga a le
mana o le Agaga Paia i le loto e mafai ai e i tatou ona atina’e le loto sa’o aga’i atu i le malamalama
faalelagi ma le upu moni. Ua na o le auala atu lava i Agaga Paia, ae le o le malosi ma le poto faaletagata,
e mafai ai ona avea i tatou ma alavai o le agalelei ma le alofa atu i le lalolagi agasala a fano.
I le faaaliga a Sakaria, o olive e lua na tu atu i luma o le Atua ua faatusaina o loo faatafe atu le suauu auro
mai ia te i latou e ala atu i paipa auro i le ipu o le malumalu. Mai iinei e fafaga atu ai lamepa o le malumalu,
ina ia latou tuuina atu pea le malamalama pupula. E faapea foi, mai Le ua faauuina o loo tu i luma o le
Atua, ona tuuina atu ai i ona tagata le atoatoa o le malamalama faalelagi ma le alofa ma le mana, ina ia
latou tuuina atu i isi le malamalama ma le olioli ma le faafouga…
14..
----------------------------------------------------------------------------------------------------------------------------------
ASO LULU APERILA 5
FAAMAUFAAILOGA MA LE MAUTINOAGA(Faamaoniga).
“Ua ia tuuina lana faamaufaailogaina i o tatou luga, ma tuuina mai ia i tatou lona Agaga i o tatou loto o se
faamaoniga.” 2 Kor. 1:22..RSV).
FAITAU ni nai fuaiupu (amata mai le fuaiupu 20) i luma mai o le 2 Korinito 1:22. O le a le mea tonu
o loo fai mai ai Paulo ia i tatou?
__________________________________________________________
___________________________________________________________
O loo faaaogaina iinei e Paulo se ata, po o se faatusa, o tupe, e pei o se tupe e tuu i lalo(Deposit) e
faamaninoina ai le mea alofa a le Agaga Paia i tagata talitonu. O le ulua’i totogi e tuu i lalo, o se
faamaoniga (mautinoaga) o le atoatoa o lo latou tofi e maua pe a afio mai Keriso.
O FEA o e iloa ai le galuega a le Atua Tolutasi i le mau na ta’ua muamua? Aisea e ao ai ona
aumaia i lea mau ia i tatou le faamaoniga o lo tatou faaolataga?
Ia maitau foi i mau o loo i luga Le o loo tatou maua mai ai ia folafolaga uma o Iesu lea, aua o folafolaga
uma lava a le Atua e ioe ia te ia (2 Kor. 1:20). O le mautinoaga o loo tautalagia e Paulo iinei, lea e
faamaufaailogaina e le Agaga Paia, e maua mai ona o mea na faia e Iesu i luga o le satauro mo i tatou. Ua
na o le satauro lava ua ala ai ona tuuina mai ia i tatou le Agaga Paia, le faamaufaailoga o lo tatou togiola.
O le meaalofa o le Agaga i tagata talitonu o le faamaoniga mautinoa i le tagata talitonu o le faia o le vaega
a le Atua na te avatua ia te ia mulimuli ane le atoatoaga o le mea alofa o le faaolataga e ala i le aveesea
o ia mai lenei lalolagi o agasala ma tuuina atu ia te ia le tofi i Lona malo faavavau.
E oo lava i mea fai a tagata, o le tupe e faamaonia ai. O le tupe e tuu muamua i lalo, o le folafolaga lea a le
tagata faatau e tumau i le fefaatauaiga. O le Agaga Paia o le faamaoni(deposit) lea o lana faaolataga
folafolaina mai, lea na totogi atoatoa i le satauro.
E le o a’oa’oina mai i le mau le aoaoga a faaolaina e faaolaina ai lava e faavavau. E mafai ona tatou teena
le Agaga(Gal.7:51); e mafai ona tatou pa’u ese atu. o le avea o le Atua ma tupu silisili e le aiā i le filifiliga
saoloto a le tagata. O taimi uma lava tatou te filifili ai e mulimuli atu ia te ia, ma ola i le faatuatua –ma tapā
Lona mana e manumalo ai pe a tofotofoina, tapā Lana famagaloga pe a tatou pa’ū – e mafai ona tatou
mautinoa Na te faia mea uma ua ia folafola mai mo i tatou. O le a se isi faamaoniga sili atu tatou te
manaomia?
15.
---------------------------------------------------------------------------------------------------------------------
ASO TOFI APERILA 6
LE MALAMALAMA MA LE AFI
“O le malamalama moni lea, na te faamalamalamaina tagata uma lava i lona maliu mai i le
lalolagi.” Ioane 1:9.
“Soo se mea lava e iai se lagona o le alofa ma le agalelei, soo se mea foi e aapa atu ai le loto e pa’i atu e
faamanuia nisi ma siitia i latou i luga, ua faaalia iina le galuega a le Agaga Paia o le Atua. I le lotolotoi o
talitonuga faapaupau, o tagata latou te le i iloa se tulafono tusia a le Atua, ma e le i faalogo lava i le ta’ua o
le suafa o Keriso, sa latou agalelei atu i auauna a le Atua, ma puipui ia i latou ui lava ina lamatia ai o latou
foi ola. O a latou galuega o faaalia ai le galuega a le mana o le Atua. Na totoina e le Agaga Paia le alofa
tunoa o Keriso i loto o tagata feai, ma faaoso ai le alofa e tetee atu i lona natura, ese mai i mea na
aoaoina ai. O le Malamalama e faamalamalamaina ai tagata uma e o mai i le lalolagi’(Ioane 1:9), ua susulu
atu i lona agaga; ma afai e gaua’i atu i lea malamalama, na te taitaiina atu ona vae i le malo o le Atua.”
Christ’ Object Lesson, p. 385.
Manatunatu loloto i le malamalamaaga o Elena Uaita i le Ioane 1:9. O se a se mataupu taua ua ia
taliina? O a ni fesili o loo taatia e le i taliina?
___________________________________________________________
___________________________________________________________
O le a se mea na fai mai ai Ioane le Papaatiso o le a papatisoina ai e Iesu Ona soo? O le a lou
manatu o le a le uiga o le mea na ia fetalai ai? Mataio 3:11.
___________________________________________________________
___________________________________________________________
O le afi e iai lona uiga taua i tagata latou te iloa tu masani a le Feagaiga Tuai, aua o le faatusa o le faatasi
ai o le Atua (Esoto 3:2). E faasino foi i le puipuiga ma le ta’ita’iga a le Atua (Esoto 13:21), le ioeina e le
Atua o se mea(Lev.9:24), ma le mana faamama ma le faapaia o le Atua(Isaia 6:6,7).
O a ni auala ua oo ai ia te oe le papatisoga o le afi? O le a le mea na tupu? O a ni a’oa’oga na e a’
oa’oina mai?
16.
--------------------------------------------------------------------------------------------------------------------------------------
ASO FARAILE APERILA 7
SUESUEGA FAAOPOOPO: Tusi a Elena Uaita, Christ’s Object Lessons, “Two Worshipers,” pp. 158,159
ma le “To Meet the Bridegroom,” pp 405-408; The Desire of Ages, pp 190,453,454; The Ministry of
Healing, pp 36,37; The Great Controversy; pp. 425,426; Steps to Christ, The Test of Discipleship,” pp.
57,58.
O se tasi o faataitaiga na faaaoga e faamatalaina ai le galuega a le Agaga Paia na faailoa atu e Iesu lava
Ia, ina ua ia faatusaina le galuega a le Agaga i le matagi (Ioane 3:8). E le iloa le tino o le matagi, tatou te
le iloa foi po o fea na sau ai a o fea foi e alu atu i ai. Ae ui lava ina le vaaia, ae iloa lelei le mea e tupu mai
ai. Na faatusaina e Iesu le Agaga i le matagi. E le mafai ona vaaia, peitai, o le aafiaga na te aumaia i olaga
liua o tagata e manino lava ona iloa. Peitai, o le Agaga o se mea lilo. O peresona e tolu i le aiga atua, o Ia
lava e le masani lelei iai tagata. Na afio mai Iesu e faailoa pe faaali mai le Tama(Ioane 1:18), ma sa vaai
tagata ia Iesu i le tino tagata. Peitai, e lei iai lava se tasi ua vaai i le Agaga, ma e leai foi se tasi ua ia
faailoa mai o Ia ia i tatou.
“Ua faaaogaina e Keriso le matagi o se faatusa o le Agaga Paia o le Atua. A o agi le matagi i le mea e
loto i ai, ma tatou te le iloa le mea na sau ai ma le mea e alu atu i ai, e faapea foi le Agaga o le Atua. Tatou
te le iloa po o ai o le a faaalia mai ai.” Elena Uaita, Selected Messages, book 2, p. 15.
FESILI MO FELAFOLAFOAIGA:
1. Faatusatusa tali a la outou vasega i le fesili mulimuli o le suesuega o le Aso Lulu. O a ni
fesili pe afai e iai o loo ta’ua pea?
2. O le suesuega o le vaiaso o loo faamamafaina ai le liuga e aumaia e le Agaga Paia i o tatou
olaga taitoatasi ma le auala e faaalia ai ia fesuiaiga. E faapefea ona tatau ona aafia le Ekalesia
atoa e ala i le Agaga Paia O a ni suiga e mafai ona Ia aumaia i le ekalesia atoa? E faapefea ona
faaalia o nei suiga, mo se faataitaiga, i le va feagai ai o le ekalesia ma nuu?
3. O a ni mea e mafai ona outou faia o se vasega e fesoasoani atu ai i lau ekalesia atoa ina ia
augofie e talia le galuega ma le mana o le Agaga Paia?
