1. Le Itu Tagata ma le Itu Atua o le Agaga Paia
2. O Faatusa o le Agaga Paia i Totonu o le Tusi Paia
3. O Iesu ma le Agaga Paia
4. Le Folafolaga o le Agaga Paia
5. Faataunuuina le Folafolaga
6. O le Papatisoga a le Agaga Paia
7. Meaalofa a le Agaga Paia
8. O Fua o le Agaga Paia
9. O le Ta’ita’i Ala o le Kerisiano
10. Le Olaga e ala i le Agaga Paia
11. O Le e Atia’e
12. Le Agasala e Tetee atu i le Agaga Paia
13. Le Agaga Paia i Ona aso e Gata Ai
Tusitala o le Lesona = Arnold V. Wallenkampf
Faatonu = Clifford R. Goldstein
Faatonu lagolago = Lyndelle B. Chiomenti
Faaliliu = Sioeli A. Puni
------------------------------------------------------------------------------------------------------------------
-------------------
LE AGAGA PAIA
Ua na o le Agaga lava na te mafai ona manavaina mai i o tatou luga le manava a lo tatou
Faaola e liua ai..
“O le Atua le Agaga faavavau sa galulue faatasi ma le Tamā ma le Alo i le Foafoaga, i le
liutinotagata o Iesu, ma le Togiola(faaolataga). O Ia na osofia tusitala o le Tusi Paia. O Ia
na faatumuina le soifuaga o Keriso i le mana. Na te tosina mai ma faailoa i le fanau a
tagata; ma i latou e tali atu. Na te faafouina ma liua i le faatusa o le Atua. Na auina mai o
Ia e le Tama ma le Alo ina ia mafuta i taimi uma ma Lana fanau. Na te tuuina atu
meaalofa faaleagaga i le ekalesia, ma faamanaina o ia e tuuina atu le molimau ia Keriso,
ma taitaina i latou i upu moni uma e tusa ai ma le Afioga a le Atua.” Seventh-day
Adventists Believe…(Hagerstoown, MD. Review and Herald Publishing Association, 1988),
p. 58.
E oo lava i le faitauina faanatinati o Talitonuga Faavae, numera 5, e ao ona fagua ai i
tatou i le taua o le Agaga Paia i lo tatou faatuatuaga. O le mea moni, e le mafai ona avea
i tatou ma tagata Kerisiano e aunoa ma Ia ma Lana galuega i o tatou olaga. O mea uma
na faia e Keriso mo i tatou e faato’a iai lava sona aoga e ala i le galuega a le Agaga Paia.
Pe a tatou talia Keriso o lo tatou Faaola ma tapā Lana amiotonu ae le o tatou ofu
palapalā, po lo tatou filifili e ala i le alofa tunoa o le Atua e lafoa’i ese le agasala ae ola i le
gaua’i atu i le tulafono a le Atua – o lo tatou tali atu lea i le Agaga Paia ae le o se tasi lava.
E sili atu i le faatolu selau ona ta’u i totonu o le Tusi Paia le Agaga Paia; e sili atu i le tasi
le selau ona ta’ua i totonu o le Feagaiga Tuai ae sili atu i le 200 ona ta’ua i totonu o le
Feagaiga fou. O le mea lea, e taua tele la tatou suesuega o le Agaga Paia, ae maise lava
le taimi nei i le tele o matagi agi o aoaoga eseese, e oo lava e faatatau i le Agaga Paia. O
nisi o loo latou fesiligia lona itu tagata ma lona itu Atua. O nisi o loo latou faamamafaina le
galuega a le Agaga ma Ana meaalofa(pe o mea o loo latou manatu o meaalofa a le
Agaga), ae o loo itiiti lo latou manatu i le gaua’i atu ma le faapaiaga o fua le ma’alofia o le
galuega a le Agaga i o tatou olaga. O nei mea uma lava e manaomia le vaai toto’a iai i le
malamalama o le Afioga a le Atua.
O tagata o le Ekalesia Aso Fitu o le Toe Afio mai, e ao ona sili atu ona naunau i le
masaniga a le tagata lava ia ma le Agaga. Ua le na o le maliu o Keriso mo a tatou agasala
tatou te talitonu i ai ae faapea foi i Lana fautuaga mo i tatou i le malumalu i le lagi. Ua na
o le Agaga lava na te mafai ona faatinoina fua o lea fautuaga i o tatou olaga i le vaai atu i
le afio faalua mai o Keriso.
2.
Ona o le Agaga Paia na osofia tusitala o le Tusi Paia (2 Peteru 1:21), o
lea, a tautala ai le Agaga Paia i aso nei, e tautala mai o Ia e tusa ai ma Ana feau na ala
mai i le Agaga. Soo se mea e le tusa ai ma le Tusi Paia, o lona uiga, e mafua mai i se isi
puna ae le o le Agaga Paia. Ua faailoa mai ia i tatou ia ‘tofotofo i agaga” (1 Ioane 4:1), ma
o le tapulaa mautinoa lava i aso o le iuga o le Tusi Paia.
E ui lava o nei lesona o le a aumaia ai ni ata tau aoaoga faavae o le Agaga, ae o le a
faamamafaina ai foi uiga faatino i aso taitasi o Lana galuega i o tatou olaga, aua o le
Agaga o le Sui Faalelagi mo le laveaiina o tagata agasala. O lana galuega e le mafai ona
fuatia e pei o le sau mai mauga; peitai, o le malosi moni o lana galuega e le gata ina
faaalia i o tatou olaga taitasi ae faapea foi i le olaga ma le malosi o le ekalesia. O lea mea
lea, o loo tatou suesue lautele i le mana o le Agaga Paia na te aumaia le ola fou a o tatou
taumafai e faailoa atu le Agaga Paia o le sui o le Atua na aumaia le ola faafouina. Ua na
o ia lava na te mafai ona manavaina ma i o tatou luga le manava ola a le Faaola e liua ai
– o le aoaoga faavae matua taua tele lea i le avea ma tagata kerisiano.
Tau lava ina ia faamanuia mai le Alii ia i tatou a o tatou saili e le gata ina tatou
malamalama i le galuega a le Agaga Paia ae ia tatou iloa foi atili le auala e talia ai Ana
folafolaga ina ia mafai ai e pei ona tusia e Paul ii le Efeso, “ina ia faatumuina outou i le
tumu uma lava o le Atua.” Efeso 3:19.